„Papst Innozenz (II.) nimmt auf Bitten des Gebeard ‚Provisors‘ der Kirche am Gestade (ad ripas), diese Kirche unter Schutz des apostolischen Stuhls, daß im besonderen die dort eingeführte Regel des Hl. Augustinus unverletzt erhalten bleibe und bekräftigt alle Besitzungen, welche die Kirche inne hat oder noch erwirbt.“
Regest: BayHStA Repertorienzimmer Urkundenregesten St. Mang Nr. 1

1139 Oktober 20, Lateran
XIII kal. Novembris

Innocentius episcopus servus servorum dei dilecto filio Gebeardo provisori ecclesie, que dicitur ad Ripas eiusque successoribus regulariter substituendis in perpetuum. Desiderium quod ad religionis propositum et animarum salutem pertinere monstrantur, animo nos decet libenti concedere et petentium desideriis congruum impertiri suffragium, ut videlicet fidelis devotio celerem sortiatur effectum et utilitas postulata vires indubitanter assumat. Eapropter dilecte in domino fili Gebearde tuis rationabilibus postulationibus gratum prebemus assensum et ecclesiam, que dicitur ad Ripas, cui auctore domino presides, sub apostolice sedis tutela et protectione suscipimus et presentis scripti pagina communimus. Inprimis siquidem statuentes, ut ordo canonicus, qui secundum beati Augustini regulam in eodem loco noscitur institutus, futuris perpetuis temporibus inviolabiliter conservetur. Decernimus etiam, ut quascumque possessiones, quecumque bona eadem ecclesia in presentiarum iuste et legitime possidet, aut in futurum concessione pontificum, largitione regum vel principum oblatione fidelium seu aliis iustis modis auxiliante domino poterit adipisci, firma tibi tuisque successoribus et illibata permaneant. Nulli ergo omnino hominum fas sit, prefatam ecclesiam temere, pertubare aut eius possessiones auferre, vel ablatas retinere, minuere aut aliquibus vexationibus fatigare. Set omnia integra conserventur, eorum pro quorum gubernatione et sutentatione concessa sunt usibus omnimodis pro futura. Si qua igitur imposterum ecclesiastica secularisve persona hanc nostre constitutionis paginam sciens contra eam temere venire temptaverit, secundo tertiove commonita, si non congrue satisfecerit, potestatis honorisque sui dignitate careat reamque se divino iudicio existere de perpetrata iniquitate cognoscat, et a sacratissimo corpore ac sanguine dei et domini redemptoris nostri Jesu Christi aliena fiat atque in extremo examine districte ultioni subiaceat. Cunctis autem eidem loco sua iura servantibus sit pax domini nostri Jesu Christi. Quatenus et hic fructum bone actionis percipiant et apud districtum iudicem premia eterne pacis inveniant. Amen. Amen. Amen.

(Chrismon) Ego Innocentius catholice ecclesie episcopus ss. (Monogramm)
(linke Spalte)
+ Eco Lucas presbyter cardinalis titulum sanctorum Johannis et Pauli ss.

(rechte Spalte)
+ Ego Grisogonus presbyter cardinalis titulum Praxedis ss.

Datum Laterani per manum Aimeris sancte Romane ecclesie diaconus cardinalis et cancellarius XIII kl. Novembris, indictione III., incarnationis dominicæ anno Mo Co XXXo VIIIIo, pontificatus vero domini Innocentii pape II. anno Xo.